Piştî ku dîplomaya Şaredarê Bajarê Mezin a Stenbolê, Ekrem Îmamoğlu, hat betalkirin, îro sibê Îmamoğlu bi sedan kesan re hat binçavkirin. Ev operasyon û binçavkirinên bo armanca bêdengkirina muxalefetê, derbeyek mezin e li ser hawîrdora li Tirkiyeyê.
Hikûmeta AK Partî, li dijî dijberên xwe, karkerên di doza mafê xwe de digerin, rojnamevan, rewşenbîr û nivîskaran, polîtîkaya tirsandinê ya sîstematîk dimeşîne. Bi kontrolkirina dadwerî û burokrasiyê, dengên muxalîf ditepisîne û bi binçavkirin û girtinên keyfî hewl dide ku dijberên xwe yên siyasî bêbandor bike.
Yek ji gavên destnîşankirina vê pêvajoyê, girtina Şaredarê Esenyurtê, Ahmet Özer bû. Piştî vê gavê, operasyonên bi desteka edlî yên li dijî şaredar û endamên meclîsa şaredariyan ên di çarçoveya “lihevkirina bajaran” de hatine hilbijartin, geş bûn. Dawî, pêvajoya ku bi betalkirina dîplomaya Şaredarê Bajarê Mezin a Stenbolê Ekrem Îmamoğlu destnîşan bû, bi girtina wî bi sûcdariya “gendelî” û “terorê” derket qonaxeke nû.
Siyaseta çareseriya pirsgirêka Kurd li Tirkiyeyê bi zext û tundiyê krîzên aborî, siyasî û civakî jî girantir kir. Hikûmeta AK Partî, li şûna ku ji van qeyranan re çareseriyan bibîne, polîtîkayên xwe yên çewisandinê hîn tundtir dike û dozên berê, wekî “Doza Geziyê”, ji nû ve vedike, bi armanca bêdengkirina muxalefetê.
Bi binçavkirina Şaredarê Bajarê Mezin a Stenbolê Ekrem Îmamoğlu re, zextên li ser muxalîfan gihişte asteke nû. Hikûmet, ku Îmamoğluyê weke yek ji hevrikên potansiyel ên Erdogan dît, İmamaogluyê berdest kir û bona pêşî lê girtina bertekan, li gelek deverên Stenbolê rêyan ji trafîkê girt, ku tedbirên hanê pêkanînên dişibin rewşa leşkeriyê. Qonaxa bê a vê pêvajoyê bi îhtîmaleke mezin, tayînkirina qeyûman li şûna Îmamoğlu dibe.
Dij derketin li hemberî zext û zordariyê, bêyî ku nasnameya mexdûr çi ye, bona parastina maf û azadiyên demokratîk girîng e.
Em wek Partiya Sosyalîst a Kurdistanê (PSK), binçavkirina Ekrem Îmamoğlu û zextên li ser muxalefetê bi tundî şermezar dikin û bang li hemû aliyên hestiyar dikin ku li dijî pêkanînên dijdemokratîk ên hikûmeta AK Partî dengê xwe bilind bikin.
PSK – Partiya Sosyalîst a Kurdistanê
Ofîsa Çapemeniyê
19ê Adarê, 2025
Kürdistan Şehidi Qazî Muhammed ve Arkadaşlarını Saygıyla Anıyoruz
Mansur Yavaş’ı Kınıyoruz
Divê Girtina Bê Huquqî Bê Rawestandin û İmamoglu Were Berdan
Keyfi Tutuklamalara Son Verilmeli, İmamoğlu Serbest Bırakılmalıdır
DI QADA ŞÊX SEÎD DA NEWROZ HAT PÎROZKIRIN Girtin û Binçavkirina Muxalefetê: Derbeyek Giran Li Ser Demokrasiyê
Muhalefete Yönelik Gözaltılar: Demokrasiye Vurulan Ağır Darbe
Êrîşên Tirkiyê yên li ser Başûrêrojavayê Kurdistanê didomin
Türkiye’nin Güneybatı Kürdistan’a Yönelik Saldırıları Devam Ediyor
PSK: SİLAHLAR SUSSUN, KÜRT HALKININ ULUSAL HAKLARI TANINSIN Partiya Sosyalîst a Kurdistan © 2022