Li Tirkiyê herku roja hilbijartinê nêzik dibe, êrîşên bo ser pêkhateyên ne Tirk û Misluman û penabêran jî zêdetîr dibin.
Li Tirkiyê roj nîne, ku penaberek neketibe êrîşa nijadperestiyê.
Di heyama du hefteyên dawî da, li Istanbulê goristaneka Cuhî hate kavil kirinê. Xortekî Ermenî a kêmendam kete ber êrîşê. Karkerê Kurd, ji ber ku heqdestiya xwe xwastiye hate birîndar kirinê.
Duhî jî bi şîklê organîze kirî, 6 cemxane û saziyên Alevî ketine ber êrîşê.
Êrîşên hanê ne bî tesadufî ne, ne jî karên hinek kesên meczup, sermest, dîn û dînik in, ku karbedestên Tirkiyê dibêjin.
Beravejî, êrîşên hanê berhema sîstema yekperestiya dewleta Tirk e, ku li ser bingeha Tirk- Misluman hatiye ava kirine.
Aleviyên Tirkiyê jî yek ji armancên sîstema hanê ne.
Ji roja avakirina xwe vir de, dewleta Tirk bi gor roporên, ku derheqa Aleviyan da hatine amade kirinê, kar û xebat dike. Bi gor roporên hanê siyaseta haşa kirinê, asîmîlasyon, îmha û jenosîdê bi rêva dibe, dixwaze Alevî bike Misluman û Aleviyên Kurd jî bike Tirk û Misluman.
Qetlîema Qoçkîrî, jenosîda Dêrsîmê, pogromên Meletye, Çorum, Maraş, Madimak û Gazî berhema siyaseta hanê ya dewleta Tirk in.
Û êrîşên hanê hevdem ligel operasyon û êrîşa dewleta Tirk li Kurdistana Bakur, Başur û Rojava têne kirinê.
Îttifaka cumhur bi êrîşên hanê û bi rêva birinina siyaseta qirjî û çavlê girtina ajevegeriyê ve dixwaze desthilata xwe biparêje.
Bê guman herku roja hilbijartinê nêzîk dibe, êrîş û ajaveyên bi vî rengî wê zêde bibin.
Hestyarî li hember ajavegeriyê û halwesta pêgir li hember êrîşên dewletê, nahele İttîfaka Cumhur bigîhîje armanca xwe.
Partiya Sosyalîst a Kurdistan êrîşên dawî bi tundî mehkum dike û jî hêzên welatparêz, demokrat, aşitîxwaz û azadîxwazan daxwaz dike ku dengê xwe li hember êrîşên hanê bilind bikin.
PSK, carekî dinê daxwaz dike, ku hemu mafên olî û çandî a Aleviyan bê qeyd û şert bêne nasin û piştgiriya xwe xebata saziyên Alevî yên di vî warî da carekî dinê radigîhine.
31.07.22
Partiya Sosyalîst a Kurdistan
Ofîsa Ragihandin û Çapemeniyê
Li ser navê PAKê heyetêk ku ji Cihgirên PAKê Nurullah Timur, Vahit Aba, Berdevkê PAKê Hanifi Turan û ji hevalên xwe pêk hatibûn, roja 05.11.2022 li Amedê serdana PSKê kirin. Li ser navê PSKê Serokê Giştî Bayram Bozyel, Serokê Berê Mesut Tek û revebirên PSKê peşwaziya mêvanan kirin.
Di serlêdanê da heyeta PAKê, Serokê Giştîyê PSKê Bayram Bozyel û Meclisa Partîyê ya nû ku di Kongreya Sêyemîn a PSKê da hatibûn hilbijartin, pîroz kirin û jibo rêveberîya nû serkeftinê xwestin.
Serokê PSKê Bayram Bozyel jî jibo ziyaret û beşdarîya Kongreya Sêyemîn a PSKê spasîya xwe pêşkêşê PAKê kir.
Di ziyaretê da herwisa rewşa Kurdistanê, xebatên jibo tefaqa Kurdî û mijarên din hatin xeberdan û bawerîya derbarê pêwendîyên xurt di navbera herdu partîyan da hate dubarekirin.
Partiya Sosyalîst a Kurdistan © 2022