Dı 18ê Adarê da, Heyeta Hevbeş a PAK, PSK, TDK-Tevger, ku ji Mesud Tek, Hanefi Turan û Îsmail Aydin û Zulkuf Baran pêkhatibû, serdana Partiya Maf û Azadiyan-HAK-PAR kir.
Heyeta HAK-PAR, ku ji Sedat Cinar, Paşa Akdogan, Vasif Kahraman, Turan İl û Davut Bilinmiş ve Abdullah Celebî pêkhatibû, peşwaziya heyeta hevbeş kir.
Heyeta Hevbeş reşnivîsek bi navê “Ji Bo Rê Li Ber Çareseriya Pirsa Kurd û Kurdistanê Vebe, Em Li Ser Daxwazên Xwe Yên Acîl Hêza Bikin Yek”, ku ji aliye PAK, PSK û TDK-Tevger ve, bona pêkanina navendeka Kurdî hatibû amade kirinê pêşkeşê HAK-PAR kir.
Heyeta hevbeş bersiva hinek pirsên derbareyê reşnivisê dan. Paşê herdu heyet di nava xwe da sohbeteka siyasi kirin.
Partiya Sosyalîst a Kurdistan © 2022