Heyetekê PDK Bakur ku ji Sertaç Bucak, Bora Balin û Selam Baykal pêkhatibû roja 10.11.2022an da serdana PSKê kir.
Li ser navê PSKê Serokê Giştî Bayram Bozyel, endamên Meclisa Partiyê Selva Baksi, Ahmet Kılıl, Zülküf Baran û rêvebirê şaxa Diyarbekirê Cahit Alver pêşwazîya mêvanan kirin.
Serdanê da li ser navê PDK Bakur Sertaç Bucak pîrozbahîyê li Serokê Giştî yê PSK Bayram Bozyel û Endamên Meclisa Nû kir û serkeftinê ji bo PSKê xwest.
Serokê Giştî yê PSKê Bayram Bozyel jî xêrhatina mêvanan kir, jibo beşdarîya Sêyemîn Kongreya PSKê û zîyareta PSKê sipasîya rêvebir û endamên PDK Bakur kir.
Di ziyarete da herwisa rewşa sîyasî û hewlên jibo tefaqa neteweyî hatin rojevê û hatin nîqaş kirin.
Merheba,
Em bi hejmarekê nû û mijarên germ û giring carek din bi hev ra ne.
Li Kurdistanê, Tirkiyê, herêmê û dinê da bûyer û geşedanên giring diqewimin.
Pirsa Kurd û Kurdistanê di Rojhelata Navîn da bi hemî germî û giranîya xwe di rojevê da ye. Tirkiye jî tevî qeyranên xwe yên piralî ber bi pêvajoya hilbijartinê ve lez û bez diçe.
Li aliyê din şerê Rusya û Ukraynayê êdî ji sînorê şerê du welatan derbas kiriye, gihiştîye wê astê ku li dinyayê ji nu ve şerekê sar dest pê kiriye.
Di vê hejmarê da nivîskarê me Mesud Tek û Serokê Giştî yê PAKê Mustafa Özçelik di gotarên xwe da li ser faktorên herêmî ku bandorê li pirsa Kurd dikin û di Kurdistana Bakur da li ser pirsgirek û hedefên li pêşîya tevgera Kurd hûr dibin.
Rêzdar Çetin Çeko û Haydar Cihaner jî di nivîsên xwe da ji şerê Rusya û Ukraynayê dest pê dikin û tesîra vê şerî yên li ser pirsa Kurd û li herêmê analiz dikin.
Di vê hejmara Dengê da her wisa hûn ê nivîsarên birêz Seîd Veroj, Mehmet Bayrak, Umit Tektaş û Nasır Kemaloğlu yên derbarê mijarên cuda da bibinin.
Em hêvî dikin ku dema bixwînin hûn ê biecibînin.
Partiya Sosyalîst a Kurdistan © 2022